الــبارت الــرابـــع (والحكايه مستمره)

جاكم البارت الرابع

نفس الحاله تراه من زماااااااااااااااااااااااااان وهو نازل بس ماجبته لكم


توني الحين دريت انه نازل


عالعمووم قرائه ممتعه







الــبارت الــرابـــع (والحكايه مستمره)
نــرجـــع لحديث احمد وطلال
طلال وبكل عصبيه: ياخي انت وش تحس فيه هااه
احمد استغرب من اسلوب طلال: اعصابك طيب
طلال: لايكثر عاد ولاتتكلم عن هالبنت مفهووم
بدر: جوود واحمد بلا حركات مبزره اعقلووو بس
ماجد: ياخي ابي اعرف وش السالفه
طلال وهو ماشي بعيد عنهم: اقوول ضفو وجيهكم <<وراح عند سمر وفهود
احمد: انا حلفت بالله إني اشبك هالغدير بس هين ياجوود
ماجد: منهي غدير ذي؟
احمد: ياخي انت تلايط مهوب وقتك ترا
ماجد: وش فيكم
بدر: تعال مجوود بقوولك السالفه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
نرووح لخالد،،، وكان توه داخل البيت
ابو خالد: حنين تعالي انتي وينك طوول هالوقت<<<حنين=خالد
خالد: يا يبا انا قلت من قبل إني رايحه للبارتي وش فيك نسيت
ابو خالد: لا مانسيت بس وش هالتأخير
خالد: توه البارتي قبل ساعه مخلص
ابو خالد وهو معصب: بس مو معناته إنك تتأخرين يعني ألحين الناس وش بقولون عنك وعني
خالد ببرود:يعني لين متى وانت تهتم بكلام الناس،،،، يبا انا حيل تعبانه ابي اطس انخمد الحين ممكن!!!؟
ابووخالد: اعووذ بالله بس ...خلاص رووحي نامي
وراح خالد لغرفته وبدل ملابسه ولبس بيجامه
وانسدح على سريره...وجا طلول على باله
وصار بس يفكر فيه..طبعن خالد مستغرب من نفسه لأن إللي شاغل باله وحده بوويه،،ومسك جواله وصار يتأمل برقم طلول وكان وده يدق عليه بس مايبي يزعجه يحسبه نايم يعني
وحاول انه ينام بس التفكير ذابحه
خالد وهو يفكر: وش سوا فيني هالطلوول.
وفجأه دق جوال خالد وكانت مها داقه عليه
خالد رد: هاه مهووي
مها: مرحبا خلوودي،، هاه وصلت لبيتك؟
خالد:ايه وصلت ،،وانتي بالبيت ولا ؟
مها: أي من زمان وانا بالبيت بس زهقت وجيت انت على بالي ودقيت عليك
خالد:اهاا أي زين انك دقيتي ياخي احس اني تعبان ابي انام بس النوم ماهو راضي يجيني
مها: هههههههااااي الله يعينك
خالد: خخخخ ويعينك،، اقوول مها إنتي علاقتك بطلوول شلوون؟
مها: مافهمت عليك
خالد: امممم يعني تكلمينه وتقابلينه وكذا ولا مابينكم كلام؟
مها: إلا إلا اكلمه اصلن طلوول يالبى قلبه من الغاليين علي
خالد: اهاا
مها: خالد انت وش فيك
خالد: مافيني شي
مها: ياخي لمن كنا بالبارتي ترا كلنا لاحظنا نظراتك لطلوول
خالد: أي نظرات عاد نظراتي كانت عاديه
مها:شلوون عاديه وإنت شوي وبتاكله بعيوونك!!!
خالد: طيب انا بقوولك الصدق
مها: اوكي قوول
خالد: انا اول مره شفته لمن كنا انا وانتي رايحين للحمام عشان اغسل شعري ووجهي..ولمن كنا ماشيين قابلناه قدامنا صح
مها: أي صح كمل طيب
خالد: ولمن شفته جاني احساس غريب وصرت ماني قادر اشيل عيووني منه..
مها: إحساس غريب؟؟ مثل وشو
خالد: والله ماادري لو إني اعرف مثل وش كان ماقلت إنه احساس غريب
مها: هههههه يمكن اعجبت فيه
خالد: كيف اعجب فيها وهي بوويه،،، بس يمكن مجررد جاذبيه
مها: اول مره اشووف بويه تجذبها وحده بويه
خالد: مها تكفين لاتستعبطين انا قايلك هالشي لأنك اقرب وحده لي واكثر وحده اثق فيها هي إنتي...يعني خليك متفاهمه شوي
مها: ياحياتي انت خلاص وربي ابفهمك زين.. انت بس حاول تعبر لي عن الشعوور إللي حسيته لمن شفت طلوول عشان نعرف وش السالفه
خالد: أي تعبير انتي الثانيه ترا انا اشوف ان السالفه ماتستحق كل هالتحقيق
مها: يعني ماودك تقوول شي؟
خالد وهو متردد: اممم لأ لأ مابي اقوول شي.
مها: اوكي على راحتك.
خالد: مها تتوقعين طلوول الحين صاحي ولانايم؟؟
مها: اكيد صاحي اصلن تراه ماينام إلا عالظهر،،بس ليش تسأل؟
خالد: ابي ادق عليه ياخي ارتحت له حيل
مها: أي من جد ياحليله طلوول يدخل القلب بسرعه،،،خلاص طيب دق عليه
خالد: اخاف ازعجه
مها: طيب اممم اسمع إنت نام ألحين وإذا صحيت دق عليه
خالد:أي أي احسن كذا،،، طيب يلا طسي ابي انام
مها: ههههه اسلووب ياخي،،، طيب يلا نوم العوافي
خالد: خخخخ الله يعافيك،، يلا باي<<<وقفل الخط
مها قفلت من خالد
وصارت تفكر بإللي صار بالبارتي..كانت جدا مذهووله من حركه فهوود،الكل يعرف إن فهوود مايتأسف لأحد...مع ان مها حست بإن الكلام إللي قاله فهوود وراه شي ووراه لعب..بس حاولت تتجاهل هالإحساس لأنها تحبه .
وبعد كل هالتفكير حست إن مصدعه شوي وراحت اخذت لها بندوول وحطت راسها على مخدتها ونامت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
نرووح عند عهوود وكانت إسراء معها طبعا إسراء توأم رووحها معها في كل مكان،،،المهم ان اسراء جات مع عهود لبيتها
وكانت عهوود في قمه القهر والعصبيه
إسراء: ياعهوود هدي اعصابك ترا والله هالطلوول انسان بايخ مايستاهلك.
عهوود وهي متنرفزه:انا إللي قاهرني إني كنت ابي ابوسه بسس..وقام يدفني وينافخ فيني
إسراء: إبعدي عنه ابرك.. تراه مغرور وشايف حاله
عهوود: بس تدرين كيف انا وراه وراه
إسراء: تستهبلين إنتي.. هو ألحين عشان قربتني منه شوفي وش سوا عاد لو لزقتي فيه بينحرك وربي
عهوود:انا ماراح أيأس وماراح افقد الامل
إسراء: والله بتتعبين
عهوود بقهر: عادي مايهمني خليني اتعب مو مشكله
إسراء: انتي حره
عهوود: اقوول إسراء خلينا نرقد احسن
إسراء: أي والله تراني دايخه قومي ننام
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
كان طلوول قاعد يقول لفهود وسمر عن السالفه إللي صارت له قبل شوي مع احمد،،
فهوود+ سمر: اما عااااااااااااد
طلول: والله العظيم
فهود: لالا اخوووي ماهو طبيعي<<<احمد اخو فهود
طلوول: ترا من جد نرفزني
سمر: وش يحس به
فهوود: عاد تدروون إن احمد إذا يبي يسوي شي،، يسويه غصب عن الكل..يعني إللي في باله لازم يصير
طلول: ياكل هوا،، اصلن ماني مخليه يقررب من غدير
سمر:اقول طلول ماعليك منه بس خله يولي
طلول:أي والله خليه يوولي
فهوود: اقوول تراني تعبان وابي انام
طلول: تنام؟؟
سمر: بدري
فهوود: أي مدري وش فيني احس بتعب وخموول
طلول: لاعاد تكفى خلك لاتنام
سمر: اييييييي صحححح فهووود ،،تراني شفت آلاء لمن كنا بالبارتي
طلول: يوووه آلاء هذيك ماغيرها؟؟ كح كح غبااااار قديمه هالبنت
فهوود طار النوم منه: أي أي حتى انا شفتها وقعدنا مع بعض
طلول: والله استانست هناك
سمر: من جد ،،،
فهوود: اقوول مالاحظتو شي
طلول: وش؟
سمر: لامالاحظنا
فهوود: ان طوول البارتي وخويلد كان يقز فيك ياطلول
سمر: إلا إلا انا لاحظت وربي كان بس يطالع فيه
طلول: أي ياخي مدري وش فيه خويلد ،،والله خلاني اشك بنفسي
فهوود: حركااااااااااات طلووول حتى البويات خققتهم
سمر: هههههههههههه
طلول: اقوول انطرموو بس..اصلن هو قالي إنه مشبه علي
فهود: مشبه؟؟ خخخخخخ تدري هذي الحركه دايم يسوونها فيني البنات إذا يبغوون يشبكووني يجوون ويقولون لي إحنا مشبهين عليك
سمر: أي وربي معروفه هالحركه
طلول بعصبيه: اقوول ورا ماتكبرون مخدتكم وتنخمدون ابرك لكم
سمر+فهود: هههههههههههههه
طلال طنشهم وطلع برا الغرفه وراح فوق لبيت جدته عند امه وخالاته ،،
وطبعا في الصبح يكونون كلهم مجتمعين.
طلال:السلام عالجميع
الكل: وعليكم السلام
إبتسام: وين هند وسمر؟
طلال: قاعدين تحت
إبتسام: توكم جايين من الحفله؟
طلال: لالا من اوول بس قعدنا تحت والحين انا جيتكم
اوم طلول: اقوول جوود جوالك فيه رصيد؟
طلال: أي فيه رصيد
اوم طلول: طيب عطيني شوي ابي اكلم ،،جوالي بطاريته خلصت
قام طلال وعطى امه جواله عشان تكلم
المهم كانو قاعدين يسولفون..فجأه دخلوو الشباب إللي هم بدر وماجد واحمد وقعدوو
اوم ماجد: وينكم ياهووو محد يشووفكم
ماجد: يما كنا بالعزيزيه وقبل شوي رجعنا
احمد: أي ياخاله والله فلينا ابووها هناك
بدر: من جد دبابات وتفحيط وربي حماس
اوم ماجد: وش تبغوون بالمصايب هذي
احمد: انتي تعالي معنا وجربي التفحيط والدبابات
بدر+ماجد: خخخخخ
اوم ماجد: ههههههه لالا خليني بمكاني احسن لي
عــنــــد اوم طلوول ،،، هي خلصت من المكالمه بس ماعطت الجوال لطلوول..مسكت الجوال وقعدت تفتش فيه،، تفتح الرسايل وماشافت شي بالرسايل الوارده والمرسله.. بس عاد هي فيها فضووول مو طبيعي،، وراحت فتحت الرسائل المحفووظه،، وكان طلوول محطي فيها حافظه خاصه برسايل غدير وكان مسمي غدير بجواله (بلسم قلبي)
واوم طلوول كانت تقرأ الرسايل وهي مصدوومه..شافت ان كلها رسايل حب وغرام..وحسبت ان غدير ولد
اوم طلال راحت عند طلوول وقدام الكل
اوم طلال: جووود
طلول: هاه
اوم طلال بنظره حاده ومخيفه: مين بسلم قلبك؟؟
طلال عرف ان امه شافت الرسايل: انتي ألحين قلتي انك تبين تكلمين بالجوال صح،،، اجل ليش تفتشين فيه
اوم طلال: بلا طواله لسان وجاوبي على سؤالي
طلال: بسلم قلبي هذي صديقتي
اوم طلال: صديقتك؟؟ من هذي الصديقه
طلال: غدير واذا منتي مصدقه خذي رقمها ودقي عليها من أي جوال وتأكدي.
هنا احمد انتبه لأسم غدير وعرف وش اسمها بجوال طلوول
احمد بصوت واطي وإبتسامه خبث: اجل بسلم قلبك هاه
اوم طلوول بعصبيه: جود قومي معاي هناك نتفاهم بالغرفه
طلال: وش نتفاهم عليه؟؟ ترا مايحتاج كل هالعصبيه والصراخ
اوم طلوول وهي رافعه صوتها: قلت لك قوومي قدامي عالغرفه
بدر: جود خلاص قوومي
طلال: طيب لاتصارخين بقووم ألحين
وقام طلوول ودخل هو وامه للغرفه
اوم طلول: يلا ابيك ألحين تدقين على هالغدير
طلال مصدوم: امي مستحيل ادق عليها
اوم طلال: اهااا يعني السالفه فيها إنً
طلال: لا إنً ولاهم يحزنوون.. بس انا وهي مابيننا كلام
اوم طلال: كيف مابينكم كلام وكل هالرسايل وقله الحيا... احبك واموت فيك ومدري وشوو
طلال: يعني إنتي ألحين ماتقوولين لصديقاتك احبكم؟
اوم طلال هنا توهقت: إلا اقوول بس مو زي كلامكم هذا
طلال: طيب الحين عطيني الزبده
اوم طلال: انا احس ان هذي بسلم قلبك مو بنت<<<ابوووك يالتفكير
طلال بكل برود: يعني تحسين انها ولد مثلا!!!،،، طيب انتي شكلك مو مصدقه..يلا جيبي لي أي جوال وانا بدق عليها واسمعي صووتها.
اوم طلال حست ان طلوول يقوول الصدق ومايكذب
اوم طلال: جوود هذا جوالك خذيه.. واذا كنتي تسوين شي غلط هذا ترا ربي اللي بحاسبك مو انا
طلال: ياامي انتي الظاهر ماراح تصدقين ابد.. طيب دقيقه انا بروح اجيب جوال بدر وبدق عليها عشان تسمعين الصووت
اوم طلال وهي معصبه: خلاص ماله داعي قلت لك خذي جوالك ورووحي
طلال اخذ جواله وطلع برا الغرفه
اوم ماجد: جوود وش فيك انتي وامك
طلال: اسأليها
بدر: جوود تعالي
طلال: تلايط بس ماني رايقه لك ترا<<<ونزل تحت لبيت سمر
دخل بيت سمر وراح للغرفه اللي فهود وسمر قاعدين فيها
طلال وهو معصب: تدرون كيف لو اني ماطلعت فووق احسن لي
فهود: ليش وش صار
سمر: اكيد نكدوو عليك.. هذا شي طبيعي عندنا بالعايله
وصار طلال يقوولهم السالفه إللي صارت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
نصور وهبه وسعوود كانو لسه بالإستراحه..وناويين انهم يقعدون فيها لثاني يوم..
هبه: والله جد اليوم مررره استانست
نصوور: حياتي إنتي اهم شي وناستك
سعوود: اما هذا خالد وربي انه روووعه كله خفه دم ياحليله بس
هبه: أي من جد والله خلاني افطس ضحك على سوالفه
نصوور: خخخخخ مصرقع تراه
سعوود: وهذا المطلووب
هبه: ألحين طلوول تيكن؟
نصور حس بغيره: وليش تسألين ليكون ناويه عليه!!!
هبه: هههههه لالا حبيبي إنت... انا بس اسأل
سعوود: لالا طلول سنقل حاليا،،،هو وحبيبته افترقو
هبه: اهاا
نصور: الله يعينه بس.
سعوود: اقووول ترا احس فيني طررب ابي اتنكس
نصوور: قدااااااام يبو الشباب...يلا هبه قومي ننطرب
هبه: هههههه يلا انا ماعندي مانع
وقام سعود وشغل اغاني
ودخلوو جوو مع الرقص
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
صــارت الــســاعــــه6:30 المغرب..
دينا توها داخله للبيت..
راحت للصاله ولقت محمد موجود
دينا: السلام عليكم
محمد وهو يقرأ الجريده:وعليكم السلام والرحمه
دينا: محمد ابي اكلمك بموضووع بناتك
محمد سفط الجريده وصار يطالع فيها: وش فيهم ذوول بعد
دينا: إنت ذاك اليوم طقيت عبير وبعدين طردتهم من البيت
محمد: طيب والمطلووب
دينا : احس إننا ظلمناهم ولازم ارووح واعتذر
محمد : انصحك لاتروحين.. ترا عبير شايله بخاطرها..ويمكن إذا شافتك توريك الويل.. هذي بنتي واعرفها زين..لازم تاخذ حقها بيدها.
دينا : انا بروح لهم وبسوي إللي علي
محمد: والله عاد بكيفك..تحملي إللي بيجيك منهم
دينا: انا بروح لهم وبرجع اغراضهم وملابسهم..لأن آخر مره كانو هنا إنت طردتهم ومااخذوو معهم إلا عباياتهم..وبالمره عااد اعتذر لهم
محمد: أي خذي اغراضهم بلشوونا فيها
دينا:ايوا... اجل انا بكره رايحه لهم ،،، محمد حبيبي انا بروح غرفتي احس اني دايخه شوي بريح
محمد: اوك..وانا بطلع عندي كم شغله
دينا: اها طيب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
رائد: حبيبتي انا لازم اشووفك
دلال: رائد والله ماادري وش اقوولك..بس ترا مايصير كذا
رائد: وش إللي مايصير انا ابي اكحل عيني بشوفتك
دلال: طيب شلون اشوفك
رائد: انا طبعا اعرف موقع بيتك..المهم انا قدام البيت وانتي انزلي واركبي معي بالسياره..وربي بس خمس دقايق وبعدين إرجعي لبيتك
دلال:لألأ مستحيل..بالله عليك تخيل ان الجيران يشوفوني وانا معك بالسياره
رائد:خلاص اجل بستناك بمكان قريب من بيتك يعني عند اللفه مثلا..وانتي تعالي
دلال: رائد مقدر اركب السياره معك
رائد: وربي يادلوول إني ماراح ألمسك ولاراح اسوي فيك شي..خليك واثقه فيني
دلال إرتاحت من كلام رائد: اممم طيب اوعدني إنها بس خمس دقايق!!
رائد بنبره خبث:اووعدك،،،بس متى تبيني اجيك
دلال: بعد صلاه العشا..
رائد: اها خلاص اووك،،،اممم دلول حبي انا بقفل ألحين جاتني شغله إذا فضيت برجع اكلمك طيب!
دلال: طيب حياتي الله معك
رائد: إنتبهي لنفسك اوكي
دلال بحياء: طيب وانت بعد
رائد: يلا مع السلامه<<<قفل الخط
رائد اول ماقفل من دلال راح على طوول ودق على صديقه
رائد: الووو هلا والله يالذيب
إبراهيم:هلافيك اخبارك
رائد:ميه ميه..اقوول برهووم ابيك بمهمه
ابراهيم: تآمر آمر.. بس انت قولي وش هي المهمه
رائد:مايآمر عليك عدوو،،،إسمع انا اليوم مواعد وحده..وبوقف جمب بيتها عشان هي تركب معي في السياره
ابراهيم: طيب الزبده
رائد: ابيك تصورها وهي طالعه من بيتها إلين تركب معي بالسياره
إبراهيم: ماطلبت شي يالحبيب بس قول لي وين بيتها
رائد:انابمر عليك وباخذك معي..وإذا وصلنا لبيتها انزل من السياره ووقف من بعيد عشان ماتلاحظك وصورها ..وبعدين إذا هي نزلت من السياره ورجعت بيتها..انا بجيك للمكان إللي انت واقف فيه وباخذك..عشان ماتحس هي يعني
ابراهيم: يالبى افكارك الهدامه..خلاص ولايهمك بس انت مر علي وانا ببيض وجهك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

كان خالد توه صاحي من النوم ودخل للحمام وآخذ شوور سريع
وبعد ربع ساعه خلص من الشوور..وصار يلبس ملابسه ويعدل شعره
وطلع من غرفته وراح للصاله ولقى ابوه قاعد لحاله
خالد: اهلين يبا..وش فيك لحالك.. وين امي؟
ابو خالد: امك راحت بيت اهلها.بزعم انها زعلانه
خالد: يالييييييل وهذي حالتكم من يوم ماتزوجتو
ابو خالد: والله عاد هذي امك تحب الهواش والزعل
خالد:طيب روح راضيها ورجعها للبيت
ابو خالد: لالا انا ماراح اراضي احد..كيفها خليها تزعل..زعل جدي والله
خالد: ...............
ابو خالد: اقوول انا عندي مشاوير شرايك تجين معي
خالد: أي عادي بجي.. بس وش هالمشاوير؟
ابو خالد: برووح لمحل الثياب بشتري لي كم ثووب..وبرووح اشتري لي عطوور وعوود..ومن هالأشياء يعني
خالد: صدق!!.والله عاد انا احب هالمشاوير اجل يلا سرينا
ابو خالد: طيب يلا روحي إلبسي عباتك..وانا استناك بالسياره
خالد: اوكي
ــــــــــــــــــــــــــــــــــــــــــــــــــ ــــــــــــــــــــــــــــــــــــ
عند طلول وفهود وسمر..كانو نايمين..لأنهم قعدو سهرانين لين الظهر..
وصحاهم صوت جوال فهوود..وكانت مها إللي داقه
طلال:يااهووو إنت فهوود قوووم رد على جوالك ازعجنا ترا
سمر: وش هالإزعاج
فهد ازعجه الصووت وقام وشاف إن إللي داقه عليه مها
فهوود: ألوو
مها: هلا حبيبي
فهود: هلافيك
مها: وش فيه صووتك.
فهود: نايم
مها: اها معليش آسفه ازعجتك
فهود: لالا عادي اصلن انا كنت ابي اصحى
مها:اها
فهود: أي كيف حالك
مها: حمد الله بخير وانت كيفك
فهود: انا تمام
مها: شخبار سمر وطلول
فهود: والله يزقحوون
مها:اقوول فهوودي شرايك تجي عندي اليوم...
فهوود: والله ماعندي مانع
مها: حلوو. وخلي طلول وسمر يجوون بعد
فهوود: أي ان شاء الله ..بجيبهم معي
مها: طيب متى بتجي؟ عشان اضبط الوضع
فهود: إنتي وش تشوفين الوقت المناسب؟
مها: اممم على الساعه 9
فهوود: اها زين..خلاص ان شاء الله الساعه 9 اكوون عندك.
مها:بس ابيكم تسهرون عندي طيب!!
فهوود: ولايهمك..اقوول مهووي انا بقفل ألحين برووح اتنشط توني صاحي..وبصحي طلول وسمر..يبغالنا شغل
مها: اوكي حبيبي خلاص انا استناكم
فهود: يلا فمان الله
طلال: وش السالفه..وين بتاخذنا معك؟
فهوود: عند مها
سمر: ياربيييييي ترا مالي خلق اروح مكان
طلال:أي حتى انا ياخي ابي اكمل نوومي
فهوود: اقوول قوومو بس قوومو،،،تراني قلت للبنت إننا جايين وبنسهر عندها بعد
طلال: يالييييييييل..
سمر: اففففف
فهوود: إنتو ألحين قومو تنشطوو وغسلوو وجيهكم..والله بعدين بتتحمسوون وبتجون معي
طلال: وخروو بس..برووح اترووش<<<الترويش هوايته
سمر: توك امس مترووش
فهود: أي من جد امس تراك مترووش
طلال: ياخي انا احب الترويش..بعدوو شوي ابي اطس
فهوود وهو يبعد من قدام طلول: هاه يلا طس
طلال: انا بخلي جوالي هنا يشحن ياخي البطاريه بتخلص
سمر: شووف هذاك هو الفيش اشبك شاحنك فيه
راح طلال وشبك جواله بالشاحن..وراح للحمام
سمر:يلا وانا بقووم اتشطف،،،
فهوود: طيب انا بطلع فووق عند الاهل بستأذن منهم عشان نروح..
سمر: أي وحتى قول لأمي واوم طلوول إننا نبي نروح
فهوود: طيب
فهوود طلع فووق ودخل على خالاته وامه
اوم فهوود: هند وينكم يابنت مانشووفكم بس قاعدين تحت
فهوود: والله تحت عند سمر ونااسه ماخذين راحتنا
اوم طلوول: هند وين جوود
فهوود: تحت قاعده تترووش
اوم طلوول: اما ذي جوود هي والترويش مايتفارقوون
اوم سمر: والله زين عاد إنها هي والترويش اصحاب يازين النظافه بس
فهوود: امي تراني برووح عند بيت مها عادي؟
اوم فهوود: أي عادي بس تروحين لحالك؟
فهوود: لالا سمر وجود بجون معاي
اوم فهود: طيب امهاتهم راضيين؟
فهود: مدري بسالهم.. اقوول ياخالاتي العزيزات عادي انا وبناتكم نرووح بيت مها ذي بنت الجيران؟
اوم طلوول: والله انا ماعندي مانع
اوم سمر: أي رووحو بكيفكم
الجده: ماله داعي تروحون خليكم بالبيت احسن لكم.. كل يوم تطلعوون ماتزهقوون انتو
فهوود: ياجده ترانا لسه بعز شبابنا مو عجايز يعني خلينا نستانس دامنا صغار لسه
الجده: يعني وش قصدك انا عجوز ؟
فهوود: خخخخخخ إللي على راسه بطحه يحسس عليها خخخخ
اوم فهوود: هند بالله إذا اخلاقك كذا مع جدتك اجل خليك تحت ولا عاد تطلعين
فهوود: انا كنت استهبل ترا.. وعالعمووم انا الحين نازله يلا سلملم<<<ونزل لبيت سمرر
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
عبوود بغرفته وقاعد يتجهز..عشان بيطلع يقابل مرام
وقاعد يعدل شعره...وفجأه دخلت عليه دلال
دلال: اقوول عبير وين طرحتي هذيك
عبوود: أي وحده
دلال: إللي عطيتك إياها ذاك اليوم لمن ضاعت طرحتك
عبود: اهاا أي تذكرت شوفيها بدولابي،،،دلال إنتي طالعه محل؟
دلال: أي طالعه مع صديقاتي<<< تكذب
عبوود:اهاا
دلال: وانتي طالعه مكان صح؟
عبود: يب ألحين بعد شوي إذا خلصت صلاه العشاء بروح اقابل وحده
دلال: بعد صلاه العشاء؟؟
عبود: أي وش فيك متفاجئه كذا
دلال: لالا ابد
عبود: وانتي متى طالعه
دلال: انا مثلك.. بعد صلاه العشاء صديقتي بتمرعلي
عبوود: اهاا،،، اقوول وينها امي مالها حس؟
دلال: راحت عند خاله سعاد
عبوود: طيب قلتيلها إنك طالعه؟
دلال: لأ
عبود: اجل كيف تطلعين وماتعلمينها...شوفي انا علمتها اني بطلع من امس
دلال: بدق عليها وبقولها<<<تسليك
عبوود طنش اخته وكمل تعديل بشعره سواه سبايكي من ورا بس ،،ومن قدام خلاه عادي<<إستايله رووعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
كان احمد قاعد يفكر كيف يجيب رقم غدير..يعني هو خلاص عرف اسمها بجوال طلوول ويمديه ياخذ الرقم..بس ماهو عارف كيف ياخذ الجوال منه عشان يجيب
رقمها...وجات فكره على باله...إنه يخلي اخته الصغيره تروح وتجيبله الجوال وهو ياخذ الرقم ويخلي اخته ترجع الجوال مكانه...المهم وراح لأخته
احمد: سلوى تعالي ابيك
سلوى:هاه وش تبي
احمد:جود وينها؟
سلوى:تحت في بيت سمر
احمد:طيب اسمعي ابيك تنزلين تحت وتجيبين لي جوال جود وانتبهي احد يحس عليك..ولاتعلمين احد مفهووم...وذا جبتيلي الجوال لك مني اللي تبينه
سلوى:اممم طيب بجيبه بس على شررط
احمد:هاه وشو
سلوى:ابيك تاخذي انا والبنات وتودينا الكورنيش
احمد: أي بنات؟
سلوى:افنان ورغد
احمد:اوووهووووو ترا ذوول الورعتين مااطيقهم
سلوى:اجل ماني جايبه لك الجوال وبعلم عليك بعد
احمد:لالا خلاص اوعدك اذا جبتي الجوال بمشيك انتي وهالورعات
سلوى:خلاص طيب انت استناني وانا بجيبلك الجوال
احمد:يلا بسرعه
ونزلت سلوى لبيت سمر..دقت الباب وفهوود فتح لها
فهوود:وش تبين يالنشبه
سلوى:وانتي وش دخلك
فهوود:حلوه ذي وش دخلني اقوول تلايطي بالله<<<هذي حاله الخوات دايم هواش
سلوى:جده قالت انها تبي شي من هنا
فهود: طيب خشي دووري على الشي اللي تبيه يالكذابه.
وراحت سلوى لغرفه سمر ومالقت احد فيها..طلوول يترووش وسمر تتشطف وفهوود قاعد عند الباب يستنى سلوى تروح
..طبعن طلال كان مخلي جواله عالشاحن..وسلوى شافت الجوال وراحت له واخذته وحطته بجيبها
فهود:سلللوى بسررررعه تراني تعبت من الوقوف
سلوى:خلاص جيت
فهود:أي وش الشي اللي جده تبيه
سلوى:ماابيك تشووفه<<وراحت
فهود وهو يقفل الباب:الحمد لله والشكر
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
وراحت سلوى لأحمد عشان تعطيه الجوال
احمد: هاه وش صار
سلوى:هذا هو الجوال خذ
احمد وهو يبووس اخته:يالبى اختي ياناس فديتك والله
سلوى:ههههههه<<ضحك البزارين
احمد فتح على الاسماء وصار يدور اسم غدير إللي هو(بلسم قلبي)
احمد:وينه وينه وينه بلسم قلبي بلسم قلبي...إييييييي هذا هو
وصار يكتب الرقم بجواله
احمد: آآخخخ اخييرن اخذت رقمها
سلوى:جيب خلني ارجعه قبل ماتحس جوود
احمد: هاه يلا خذيه..وإذا صادوك لاتجيبين سيرتي بالسالفه طيب
سلوى:طيب..بس إذا ماطلعتنا انا والبنات والله لاافضحك عند جود
احمد: انا وعدتك وقلت لك وعد إذا جبتيه بطلعك إنتي والورعات
سلوى: طيب خلاص بروح ارجعه
ونزلت مره ثانيه لبيت سمر..ودقت الباب عشان يفتحون لها
فهوود: إنتي وبعدين معك..هاه ليكون جدتي تبي شي من غرفه سمر بعد
سلوى طنشت فهود وراحت لغرفه سمر عشان ترجع الجوال
وطلوول خلص ترويش وطلع من الحمام ودخل لغرفه سمر,,ولقى سلوى ماسكه جواله وتشبكه بالشاحن
طلول: خييييييير،تعالي تعالي من متى وانتي تاخذين جوالي يالزق
سلوى:زق بوجهك<<وراحت تركض
وقام طلوول سحبها من شعرها وطقها طققق
فهود وهو يضحك: خخخخخخخخخخخ أي أي عااش طلووول كفخها..تستاهلين والله
طلال كان يطق سلوى وميت ضحك..
سلوى وخررت من طلال وقامت تصيح..وبالغلط صقعت بفهوود
وعاد فهوود مايدانيها مع انها اخته..بس دايم هو وياها هواش
وقام مسكها ونزل فيها ضررب
وصارو يتضاربوون
وجات سمر وهي مصدومه
سمر: سلوى وهند وش فيكم ترا والله عيب
طلال: خخخخخخخخ ياخي تستاهل ذي السلوى..اخذت جوالي حسبي عليها
سلوى وهي تصيح: انا اوريكم والله لااعلم امي
الكل:خخخخخخخخخخخ
فهوود: يلا بس طسي رووحي علميها
طلوول: سلوى اقضبي الباب بالله
سلوى طلعت برا البيت وراحت فوق
فهود:خخخخخخ والله حاله
طلول: بس ياخي ليش ماخذه جوالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
كان خالد مع ابوه بمحل الثياب
ابو خالد: حنين قوليلي رايك بهالثووب
خالد وهو يلمس القماش:لالا يبا قماشه مو زين،، يعني مع الغسيل يصير شفاف خخخخخخ
ابو خالد: خخخخخخ طيب شوفيلي وش الزين
خالد صار يدوور لأبوه ثووب عدل،،وهو يدوور فجأه جا طلول على باله
خالد بصوت واطي: ياليييييل ليش شاغل بالي هالآدمي
ابو خالد: هاه لقيتي شي
خالد: أي يبا شوف ذا قماشه زين ولوونه حلوو
ابو خالد: ماشالله عليك والله عندك ذووق اجل
خالد:هههههه اعجبك ترا
وراحو عند المحاسب واشترو الثووب..
وهم يتمشوون بالموول
ابو خالد: حنين ماودك تشترين شي من هنا
خالد: والله ماأقوول لأ،،،يبا ابي تيشيرتات وبناطيل وابي جووتي بعد
ابو خالد: آبشري..وانا كم حنين عندي
خالد: لبى قلبك ياابووي الله يخليك لنا ان شاء الله..
ابو خالد: الله يسمع منك
ابو خالد سمع صوت آذان العشاء..وشاف انهم بدو يقفلون المحلات عشان الصلاه
ابو خالد: إسمعي خلينا نكمل مشاويرنا بعد الصلاه ازين
خالد: أي أي خلاص بعد الصلاه نكمل
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
رائد: هاه حبي مابقى شي الحين تبدأ الاقامه
دلال: طيب رووح للمسجد..وانا بعد بروح اصلي
رائد: ايه ألحين رايح..بس خلك جاهزه تراني بكون قريب عليك..بصلي بالمسجد إللي جمب بيتك..
دلال: اها اجل لاخلصت صلاه خلي سيارتك عند المسجد انا بجيك لهناك..
رائد: أي ان شاء الله
دلال: يلا رووح قبل ماتبدأ الصلاه
رائد: خلاص برووح..بس بقوولك شي
دلال: قوول
رائد: احــبــكـ
دلال وهي مستحيه: وانا اموت فيك...اممم خلاص باي يلا رووح
رائد: فديتك والله...اوكي الله معك<<<قفلو الخط
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
خالد قاعد بالسياره لحاله وابوه كان في المسجد<<<بدت الاقامه
خالد ماسك جواله ومحطي على رقم طلوول وكان متردد يبي يدق ومايبي يدق
وآخر شي قرر إنه يدق عليه
ظغط على الأخضر
طلوول: حيا الله خوييييييلد
خالد بإرتباك: الله يحييك حبيبي
طلول: تسيف الحال
خالد: حمد الله بخير وانت اخبارك
طلوول: ازززقح والله
خالد: طلوول وربي لك وحشه<<<طلعت منه بدون مايحس
طلوول إستغرب: وانت اكثرر...اقوول ترا لازم نشووفك..تدري اننا كلنا اليوم بنجتمع عند مهاااو
خالد: صدز؟؟ شووف الخاينه ماقالت لي
طلول: اما عاد ماقالت لك لالا من جد ماتستحي خخخخخخ
خالد:خخخخخخخ
طلول: مو لازم تعزمك خلاص انا عازمك عندها
خالد: والله عشانك بجي من غير عزيمه.....هاه سبحان الله دقت مها كأنها حاسه إننا نتكلم عليها
طلول: خخخخخ ابن الحلال عند ذكره يبان،،،،خلاص طيب رد عليها وانا بنتظرك بالخط الثاني
خالد: اوكي دقيقه برد عليها<<<ورد على مها
مها: اهلييين خلوودي
خالد: اجل عازمه الربع كلهم وانا سفط
مها:هههههههه وربي ألحين انا داقه عشان اقوولك تجي عندي
خالد:خخخخخ يعني خلاص اجي
مها: أي حياك تعال البيت بيتك مايحتاج نعزمك اصلن
خالد: يالباك والله
مها: عاد كيف وصل لك الخبر
خالد: طلوول فديته هو إللي قالي
مها: اهاا خلاص اجل كلكم اسهروو عندي
خالد: اوكي إن شاء الله،،،اقوول مها وخرري..ترا طلول بالخط الثاني
مها: ياخي وراك سالفه انت
خالد: سالفه وش؟
مها: وش هالإهتمام..طلوول وطلوول وطلوول
خالد: اقوول لايكثر يلا بس اشووفك بعدين<<وقفل منها ورجع لطلوول وكملوو سوالف
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
عبود قاعد بالصاله ومخلص بس مستني السواق يخلص صلاته عشان يوديه للكووفي إللي بيقابل فيه مرام..
دلال تزينت ولبست عبايتها وقعدت مع عبوود بالصاله
عبوود: هاه قلتي لأمي انك طالعه
دلال: أي أي قلت لها
عبوود: وينها صديقتك ماجاتك
دلال: قالت انها بتمر علي بعد الصلاه
عبوود: نفس توقيتي اجل
دلال خافت ان عبوود يشوفها وهي طالعه مع رائد..وفكرت انها ماتتطلع إلا لمن تشووف عبود خرج من البيت..
وبعد عشر دقايق...دلال جاتها رساله من رائد..ويقولها فيها: (يــلا حبيبتي تعالي لي انا موقف جمب المسجد) ودلال رسلت له (اوكي بس دقايق واجيك)
دلال:اقوول عبير متى بجيك السواق؟
عبوود: لحظه بدق عليه<<<ودق عليه
عبوود: الوو يااهوو وينك إنت وش فيك تأخرت...اها خلاص إنت عند الباب يعني.؟ طيب طيب الحين بجي.
دلال: هاه جاه؟
عبوود وهو يلبس عباته:أي هو عند الباب ألحين
دلال: انا بطلع معك ..وبستنى صديقتي برا.. توها راسله لي رساله تقوول إنها قريبه من البيت.
عبوود: على راحتك
ــــــــــــــــــــــــــــــــــــــــــــــــــ ــــــــــــــــــــــــــــــ
رائد: إبراهيم رووح وقف هناك وجهز الكاميره..اول ماتشووف بنت طالعه من هالبيت على طوول صوورها طيب
إبراهيم: أي طيب يلا برووح
وراح إبراهيم قدام بيت دلال وتخبى ورا وحده من السيارات عشان محد يلاحظه وشغل الكاميره
عبوود فتح باب الشارع عشان يركب مع السواق وكانت دلال وراه تمشي..وإبراهيم لمن شاف عبوود على طوول شغل الكاميره وصار يصووره والتصوير واااضح<<<يحسبه دلال
عبود حس إنه ناسي شي: يالييييييل نسيت البوك حقي
عبوود دخل للبيت ودلال طلعت وصارت تدور على رائد
وبالتصوير طلع كل شي تمام..حتى مافي فررق بين عبود ودلال..صارو كأنهم شخص واحد..
المهم.. دلال شافت رائد قاعد يأشر لها من بعيد وصارت متردده ترووح ولا لأ
وبعدين قررت إنها ترووح ماتبيه يزعل منها
والتصوير مستمرر
عبوود طلع فوق لغرفته وجاب بوكه..وبعدين نزل تحت وفتح باب الشارع.وهنا شافه إبراهيم وإستغررب..
إبراهيم بصووت واطي: ياخي مين إللي صوورتها انا
عبوود قفل الباب وجا يبي يركب السياره مع السواق.. شاف دلال تمشي ورايحه للمسجد..عبوود ماركب السياره وصار يتابع إخته ويشووفها لوين رايحه
دلال وصلت عند سياره رائد وركبت قدام طبعا
ورائد حررك السياره عشان محد يشك بالوضع..وإبراهيم هنا وقف التصوير..
عبوود إنصدم لمن شاف دلال راكبه مع واحد غريب
عبوود وهو مصدووم: ياساتر وربي ماني قادر اصدق
وقرر عبود إنه يدق على دلال
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
عند دلال ورائد
رائد: آآخخ اخيرن شفتك يابعد عمري إنتي
دلال وهي مستحيه: فديت عمرك انا
رائد: ياويل حالي وش هالجمال تصدقين انتي احلى انسانه شفتها بحياتي
دلال ميته من الحياء: ............
رائد: ياقلبي وش في ساكته.؟
وفجأه دق جوال دلال وكان عبوود إللي داق
دلال بخووف: رائد هذي اختي داقه
رائد: لاتردين
دلال: لألأ برد بشووف وش فيها
دلال: الوو عبير
عبوود: دلال إنتي وينك ألحين؟
دلال: انا مع صديقتي بالسياره
عبوود: متأكده إنها صديقتك ومو صديقك؟؟
دلال إنصدمت:عبير وش تهذرين فيه إنتي
عبوود بعصبيه: دلال تراني شفتك لمن ركبتي السياره مع واحد مدري منهو..لاتقعدين تكذبين علي
دلال: عبير إذا رجعت البيت نتفاهم بعدين
عبوود وهو معصب ومعلي صوته: اقوول إلحين إرجعي بسرعه
دلال: طيب لاترفعين صووتك علي إلحين راجعه<<وقفلت الخط
رائد:وش صاير
دلال: رائد اختي شافتني لمن ركبت معك السياره
رائد: افااا وش هالحظ ياخي
دلال: حبيبي الله يخليك رجعني البيت بسررعه
رائد: أرجعك البيت؟؟؟ من جدك إنتي؟
دلال: رائد أي والله من جد اتكلم..ترا اختي هذي بتقلب الدنيا فووق راسي
رائد: طيب خلاص برجعك ألحين
دلال: حبيبي لاتزعل
رائد: لاعادي..المهم مايصير لك مشاكل
دلال إكتفت بإبتسامه...
عبوود واقف عند باب الشارع ويستنى دلال ترجع
وكان إبراهيم واقف ويتمقل بعبوود
إبراهيم ويكلم نفسه: هذي بنت ولا ولد ألحين؟؟ شكله ولد ولابس عبايه؟؟ لالا مايجي <<<اول مره يشوف بويه..
ووصلت دلال عند باب البيت
إبراهيم إستغرب لمن شافهم راجعين: افاا وش صار فيهم.
عبود وقف وبكل عصبيه: تعالي هنا ياهانم...من هالحيوان إللي راكبه معه
رائد لمن سمع عبوود إتنرفز: هذي وش تحس فيه وربي لاانزل واوريها شغلها
دلال: رائد الله يخليك هدي اعصابك شوي<<<ونزلت من السياره
عبوود وهو معصب: خشي داخل بسررعه
دلال: عبير احترميني تراني اكبر منك طيب
عبوود بقووه معصب: إذا إنتي عرفتي الاحترام بعدين انا بجي وبحترمك...اجل طالعه مع واحد هاه...خشي داخل بس ولايكثر
دلال ماردت على عبوود ودخلت للبيت.
عبوود يكلم رائد: وانت يالهيس وش موقفك هنا ،،طس بالله طس
رائد عطاها نظره حقد ومشى بالسياره وراح ياخذ إبراهيم
عبود دخل للبيت
عبوود وهو يكلم دلال: تدرين وش اكبر غلط امي سووته؟
دلال:.......
عبوود: اكبر غلط امي سووته إنها وثقت فيك.
دلال وهي تبكي: عبير الله يوفقك لاتعلمين احد
عبوود: انا ماني معلمه احد بس وربي إن كررتي هالحركه او استمرت علاقتك مع هالولد اقسسم بالله إني لااعلم ابووي هاه ابووي بعلمه مو امي وبس
دلال تمسح دموعها: طيب اوعدك إني ماعاد اكلمه بس تكفين خلي إللي صار اليوم بيني وبينك
عبوود: وش إللي يضمني انك ماراح تكلمينه مره ثانيه
دلال: عبير بصراحه انا احبه مووت ومااقدر استغني عنه
عبوود: إنتي وين عقلك يابنت...اشك انك صاحيه....هذا لو يحبك من جد كان ما قابلك من ورا اهلك،،،ولو يحبك من جد كان جا وطلب يدك صح
دلال: ...................
عبوود: حطي عقلك براسك وفكري زين يادلال..يعني لوغلطتي معه تراك بتشوهين سمعتنا كلنا.. دلال تكفين اعقلي
دلال وميته صياح: طيب طيب بحاول ابعد عنه
عبود:لازم تحاولين وإذا تبيني اساعدك انا في الخدمه
دلال: إن شاء الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
احمد كان قاعد لحاله ومستانس لأنه جاب رقم غدير
وقرر إنه يدق عليها..وضغط عالأخظر ويستناها تررد
كانت غدير بغرفتها وقاعده عالمسن وجاها إتصال من رقم غريب بس ردت
غدير: نعم؟؟
احمد: ..........
غدير: الووو
احمد: ............
غدير: ........<<< حست إن إللي داق عليها هو طلوول لأنه كان دايم يدق عليها ويقعد ساكت بزعم إنه يبي يسمع صووتها بس.
غدير: طلوول
احمد: السلام عليكم
غدير إرتبكت ..لأن طلع هالصوت مو صوت طلول: وعليكم السلام. مين معاي؟
احمد: معك احمد
غدير: منهو احمد؟ مااعرف احد بهالإسم
احمد: إنتي غدير؟
غدير: أي انا غدير
احمد: اها..طيب انا واحد اسمه احمد.. وانا حاب اني اتعرف عليك
غدير: تتعرف علي؟؟ معليش يااخووي انا ماعندي هالحركات..ويلا فمان الله<<<قفلت الخط
احمد عصصب لمن قفلت الخط بوجهه: اووووهوووو وربي لااجيبك ياغدير بس استني علي شوي.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
إبراهيم: رائد علامك وش إللي صاير وش فيك معصب وساكت
رائد: يعني ماشفت إللي صار قبل شوي
إبراهيم: إلا شفت بس ليش كل هذا صار
رائد: هذي إللي كانت واقفه عند الباب اخت دلال ..وشافت دلال وهي راكبه معي وسووت كل هالمهزله.
إبراهيم: إنت متأكد إنها بنت؟
رائد: خخخخخ ياخي من جد ماكأنها بنت حتى صووتها مو صوت بنات
إبراهيم: تدري انا على بالي إنها ولد ولابس عبايه
رائد: خخخخخ وربي انك خبل
إبراهيم: بقوولك شي بس لاتعصب
رائد: وشو قول
إبراهيم: ماصوورت دلال
رائد بعصبيه: نعم نعم شلوون يعني ماصوورتها اجل صارلك ساعه منخش ورا السياره وش تسوي؟
إبراهيم: صوورت اختها بالغلط احسبها هي وش دراني عاد..إنت قلت لي أي بنت تطلع من هالبيت صوورها وانا صوورت هذي إللي كأنها ولد...بس تراني صوورت دلال وهي طالعه ورايحه لك
رائد: تدري انك بطللل
إبراهيم: صدق؟؟ تسلم تسلم
رائد: طيب بالتصوير مبين ان اللي صورتهم بنتين ولا كأنهم بنت وحده
إبراهيم: لالا كأنهم وحده.. عشان كذا انا كملت تصوير وماوقفت..
رائد: اول مره تسوي شي زين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
فهوود: ياخي إخلصوو شوفو الساعه كم!! ترا تأخرنا عالبنت والله عيب
طلوول: انا مخلص ياخي بس ذي سمرر قاعده تتعدل
سمر: خلاص خلصت يلا إلبسوو عباياتكم
طلوول: اقوول فهوود وش قالو امهاتنا؟؟
فهود: أي قالو عادي رووحو
سمر: كويس
طلول: هاه يلا سرينا؟
فهوود: قدام
سمر: يلا
وطلعو برا البيت وراحو عند مها..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
عبوود: معليش مااقدر اقابلك اليوم خليها وقت ثاني
مرام: عبوودي ليش طيب وربي متحمسه اكلمك بالموضوع
عبوود: والله كنت بجيك للكوفي وخلصت كل شغلي بس صار شي وعطلني.. إلا اقوول وش هو الموضوع
مرام: ماراح اقوله لك بالفوون لازم تكون قدامي
عبود: طيب بصررك... ايوا طمنيني عنك وش مسويه
مرام: صرت بخير لمن سمعت صووتك..
عبود: ياروومنسي إنتا مايمديني عليك
مرام: هههههههه أي تراني رومنسيه حيييييل
عبوود: اها طالعه علي يعني خخخخ
مرام: هههههه ياحليلك يالواثق
عبوود: اهم شي الثقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
خالد وابووه توهم مخلصين من المشاوير وداخلين للبيت ومعهم اكياس واااااجد
خالد: من جد السووق تعب
ابو خالد: أي والله مدري كيف إنتو يالحريم
خالد: اييي صح نسيت اقوولك... ابووي اليوم معارفي متجمعين عند مها..وقالو لي اجي..ممكن ارووح؟
ابو خالد: توك جايه من السووق وحالتك حاله.وتبين تروحين للعزايم ذي.... عالعمووم براحتك عادي روحي
خالد وهو يبوس ابووه على راسه: تسلم لي والله... اقول ابوي تبي عشاء؟
ابو خالد: لالا مابي شي برووح ارتاح بغرفتي شوي
خالد: اها اوكي نوم العوافي
ابو خالد: الله يعافيك<<< وراح لغرفته
خالد راح لغرفته وسدح كل الاشياء إللي اشتراها على السرير
وصار يطقم له لبس..
وخلص شغله ولبسه وعدل شعره
وراح للسواق عشان يوديه عند مها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
نصوور: ياجماعه وربي اني ميت من الجوووع
سعوود: أي والله حتى انا
هبه: اممم طيب وش رايكم نروح للمطبخ ونسوي لنا شي ناكله
نصور: يعني مثل وشوو
هبه: انتو وش تشتهوون
سعوود: انا ابي شي ثقيل يعني شي فيه رز
هبه: هههههه طيب..وانت يانصوور وش مشتهي؟؟ عشان اطبخه لكم
نصوور بنبره رومنسيه: مشتهيك انتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
وش راح يصير بالسهره عند مها؟؟ وهل دلال بتقدر انها تبتعد عن رائد؟
ورائد وش ناوي يسوي بالفديوو إللي صووره؟ غدير واحمد وش بتكوون سالفتهم؟
وش السبب إللي مخلي خالد دوم يفكـر بـطلوول ؟؟


(اتعبني غرامكـ)





منقووووول

رووووعه ع الموووووووووووووضوووع

تسلم ايدك

رووووووووووووعه يسلمو